ಉಪವಾಸ

ಇದೊಂದು ರಾಜನ ಕಥೆ
ಅವನ ಭಕ್ತರ ಕಥೆ
ಉಳ್ಳವರ ಕಥೆ
ಮೂರು ಹೊತ್ತು ಉಟ ಇರುವವರ ಕಥೆ
ಅದೇ Orwell ತನ್ನ Animal Farm ನಲ್ಲಿ
ಹೇಳಿದ್ದಾನಲ್ಲ All animals are equal,
but some animals are more
equal than others ಅಂತ ಅವರ ಕಥೆಗಳು
ಇಲ್ಲಿ ಎಲ್ಲವೂ ಶುದ್ಧ, ಅಲ್ಲ ಅಲ್ಲ ಪರಿಶುದ್ಧ, ಶ್ರೇಷ್ಠ;

ಉಪವಾಸ ಇರುವವರ ಕಥೆ, ಯಾಕೆ ಬೇಕು
ಶಾಂತಿಯ ಸಂಕೇತವಾದ ಬಿಳಿ ಬಟ್ಟೆಯಲ್ಲಿ
ಮುಚ್ಚಿಬಿಡುವ, ಯಾರಿಗೂ ತಿಳಿಯುವುದಿಲ್ಲ
ಅವರಿದ್ದರೆಂದು….
ನಾವೆಲ್ಲರೂ ಸಮ್ಮನಿದ್ದುಬಿಡೋಣ, ಮಾತು ನಿಲ್ಲಿಸೋಣ
ಉಪವಾಸ ಇದ್ದರೂ, ಹೊಟ್ಟೆ ತುಂಬಿರುವ ಭಕ್ತರಾಗಿ
ಇದ್ದುಬಿಡೋಣ. ಏಕೆಂದರೆ…
ಇಲ್ಲಿ ಎಲ್ಲವೂ ಶುದ್ಧ, ಅಲ್ಲ ಅಲ್ಲ ಪರಿಶುದ್ಧ, ಶ್ರೇಷ್ಠ;

ಇರಲಿ, ಬಿಳಿ ಬಟ್ಟೆಯ ಮೇಲಿನ ಕಲೆಗಳು ಕಾಣದಷ್ಟು
ಕುರುಡಾಗಿವೆ ನಮ್ಮ ಕಣ್ಣುಗಳು, ಹಾಗೆ
ಇದ್ದುಬಿಡೋಣ, ಕುರುಡಾಗಿ…